மெல்பேர்ன் டெஸ்ட் போட்டியில் இங்கிலாந்தின் வெற்றி ஓரளவு எதிர்பார்த்ததே. பேர்த் டெஸ்ட் போட்டியில் ஆஸ்திரேலிய அதிவேகத்தில் தடுமாறித் தோற்றாலும் இங்கிலாந்தின் திட்டமிடலும் ஆடுகளத்தைப் புரிந்து செயற்படும் ராஜதந்திரமும் இத்தொடரில் மட்டுமல்ல, ஸ்ட்ரோஸ்+அன்டி பிளவர் கூட்டணியின் ஆரம்பம் முதலே பல அபார வெற்றிகளைக் கொடுத்துவந்த அம்சங்கள்.
மேல்பேர்னிலும் இங்கிலாந்து ஆஸ்திரேலியாவை உருட்டி ஓரங்கட்ட முக்கிய காரணங்களாக அமைந்தவை இவை மட்டுமல்ல என்பது எல்லோருக்குமே தெரியும்.
ஆஸ்திரேலிய அணி என்ற மரத்தின் ஆணிவேர் ரிக்கி பொன்டிங்கின் தொடர்ச்சியான தடுமாற்றம் அவருக்குத் தன்னையும் உற்சாகப்படுத்திக்கொள்ள முடியாது போயுள்ள நேரத்தில், தளர்ந்து போயுள்ள அணியை எவ்வாறு உத்வேகப்படுத்தி வெற்றியைத் தொடர்ச்சியாகப் பெற்றுத் தருவதாக மாற்றமுடியும்?
மைக் ஹசியைப் போல (ஹசியும் மெல்பேர்னில் படுமோசமாக மிகைக் குறைவான ஓட்டப் பெறுதிகளுக்கு ஆட்டமிழந்தது மேலும் அதிர்ச்சி), வொட்சனைப் போல(எப்போது அரைச் சதங்களை சதமாக்கப் போகிறார்???) ஓட்டங்களைக் குவித்து தலைவர் பொன்டிங்கின் பாரத்தை,அழுத்தத்தைக் குறைக்கக் கூட ஒருவருமே இல்லை.
ஆஷஸ் தொடங்க முதலில் அதிகம் பேசப்பட்ட கலும் பெர்குசன், உஸ்மான் கவாஜா ஆகியோர் பற்றித் தேர்வாளர்கள் மறந்துவிட்டார்களா?
யார் இந்த ஸ்டீவ் ஸ்மித்? அணிக்குள் என்ன செய்கிறார் இவர்?
என்னைப் பொறுத்தவரை ஹியூஸ், கிளார்க்,ஸ்மித் ஆகியோரை உடனடியாக அணியை விட்டுத் துரத்தவேண்டும்.
ரிக்கி பொன்டிங்கைத் தலைவர் பதவியிலிருந்து நீக்கவேண்டும் என்ற அண்மைய கருத்துக்களில் (முன்னைய ஆஷஸ் தோல்விகளின் பின்னரும் இதே போன்ற விமர்சனங்கள் எழுந்த விமர்சனங்களும் இவையே) எனக்கு முழுமையான உடன்பாடு இல்லை.ஆனாலும் இப்போது இருக்கும் தடுமாற்றமான இல் பொன்டிங்கினால் இது போன்ற பலமான இங்கிலாந்து அணியை இங்கிலாந்துக்கும் சமபல சாதகமுள்ள ஆடுகளங்களில் ஜெயிக்கவைக்க முடியாது என்பது தெரிகிறது.
ஆனாலும் சிட்னி டெஸ்ட் மட்டுமே எஞ்சியுள்ள நிலையில் பொன்டிங்கைத் தலைமைப் பதவியிலிருந்து நீக்கி வேறொருவரைத் தலைவராகக் கொண்டுவருவதானது மாபெரும் முட்டாள்தனமாக அமையும்.அத்துடன் புதிய தலைவராக வருபவர் மீது பல மடங்கு அழுத்தத்தைக் கொடுக்கும்.
ஆனால் கிரேக் சப்பெலும் அதிமேதாவித்தனமான ஏனைய தேர்வாளர்களும் முதலில் பதவி விலகவேண்டும்.. அணித்தேர்விலே முதலில் கோட்டைவிட்டுத் தலைவரையே முடமாக்கியதன் முழுப் பொறுப்பையும் இவர்களே ஏற்கவேண்டும்..
இப்படியெல்லாம் நேற்று இரவு வரை எழுத்துக்களைக் கோர்த்துவிட்டு,இன்று காலை வந்த செய்திகளால் அதிர்ச்சியடைந்து போனேன்..
ரிக்கி பொன்டிங் சிட்னி டெஸ்ட் போட்டியில் விளையாடமாட்டார்..
இடது கை விரல் முறிவு காரணம்..
நம்ப முடியவில்லை. காயம் காரணமாகத் தான் பொன்டிங் விளையாடவில்லை என்பதை யாரும் நம்பப்போவதில்லை. வெளியேற்றுவது எப்படி என்று நினைத்த தேர்வாளருக்கு ஒரு சாட்டு விரல் முறிவு ரூபத்தில் கிடைத்துள்ளது.
பாவம் ரிக்கி பொன்டிங் .... 36 வயதில் மீண்டும் போராடி அணிக்குள் வருவதும் தலைமைப் பதவியை அடுத்த தொடரில் மீட்பதும் ஆஸ்திரேலியக் கட்டமைப்பைப் பொறுத்தவரையில் மிக சிரமமானதே..
ஆஷஸ் டெஸ்ட் தொடரைத் தொடர்ந்து இடம்பெறவுள்ள ஒரு நாள் தொடருக்கான அணியில் பொண்டிங்குக்கு இடம் வழங்கப்படுமா என்பதிலிருந்து ('விரல் முறிவு' குணமடைந்தால்) உலகக்கிண்ணப் போட்டிகளுக்கு பொன்டிங் தலைமை தாங்குவாரா என்பது தெரியும்.
ரிக்கி பொன்டிங்கை விட மனதில் சோர்ந்திருக்கும் formஇல் தளர்ந்திருக்கும் மைக்கேல் கிளார்க் தான் புதிய தலைவராம்..
வாழ்க தேர்வாளர்கள்.. வாழ்த்துக்கள் இங்கிலாந்து..
24 வருடங்களின் பின்னர் ஆஸ்திரேலிய மண்ணில் ஆஷஸ் உங்கள் கரத்தில் வெற்றியுடன் கிடைக்கப் போகிறது.
மெல்பேர்ன் வெற்றியில் இங்கிலாந்தின் ஜொனதன் ட்ரோட், ஜ்மேஸ் அன்டர்சன், ட்ரேம்லெட், மட் ப்ரையர் ஆகியோரின் அசாத்திய தனித் திறமைகளை விட, அதிகூடிய விக்கெட்டுக்களை இத்தொடரில் எடுத்திருந்த ஸ்டீவ் பின்னை அணியிலிருந்து நிறுத்தி அவருக்குப் பதிலாக அழைக்கப்பட்டிருந்த டிம் ப்ரெஸ்னன் காட்டிய முயற்சியும் அபார திறமைகளும் ரசிக்கத் தக்கன.
சிட்னி டெஸ்ட்டில் இங்கிலாந்து ஒயின் மோர்கனுக்கு சிலவேளை வாய்ப்பை வழங்கலாம்.. (போல் கொளிங்க்வூடின் சறுக்கல்களுக்கு ஒரு ஓய்வு??)
இங்கிலாந்து முயல்கின்றது, வேகத்துடன் விவேகத்தையும் உறுதியையும் அடித்தளமிட்டு ஆஷசை வசப்படுத்தியுள்ளது.அடுத்த போட்டியில் ஆஸ்திரேலியா வென்றால் தொடரை சமப்படுத்தலாம் ஆனால் ஆஷஸ் கிண்ணம் இங்கிலாந்துக்கு செல்வதைத் தடுக்க முடியாது.
கிளார்க் தலைவர் என்பதால் சமநிலை முடிவைக் கூட நான் எதிர்பார்க்கவில்லை.
நீண்டகாலம் form உடன் காத்திருந்த உஸ்மான் கவாஜா சிட்னியில் தன்னை நிரூபிப்பாரா என்று பார்க்கலாம்.
-----------------------------
சகீர் கான் என்ற ஒரு நபரின் வருகை இந்தியாவுக்குக் கொடுத்திருக்கும் மாற்றத்தை மாயஜாலத்தைப் பாருங்கள்..
முதல் போட்டியில் இன்னிங்சினால் துவண்ட அணி தென் ஆபிரிக்காவை சொந்த மண்ணில் துவைத்து எடுத்துள்ளது.
இந்தியா பதினெட்டு ஆண்டுகளில் தென் ஆபிரிக்காவில் பெற்ற இரண்டாவது டெஸ்ட் வெற்றி இது என்பதால் மகத்துவம் பெறுகிறது.
இதன் மூலம் தனது டெஸ்ட் Number One இடத்தை மீண்டும் உறுதிப் படுத்தி இருப்பதோடு, Starting trouble மட்டுமே பிரச்சினை என்று மீண்டும் காட்டியுள்ளது.
சாகிர் கானின் ஆரம்பப் பந்துவீச்சுக் கொடுத்த உளரீதியான உற்சாகமே இந்த மறக்க முடியாத டேர்பன் டெஸ்ட் வெற்றியை வழங்கியிருக்கிறது.
தென் ஆபிரிக்காவை தோற்கடிக்க ஆஸ்திரேலியா முன்பு கடைக்கொண்ட, இங்கிலாந்து இடையிடையே பயன்படுத்திய யுக்தி இது.
இறுக்கமான,வியூகம் வகுத்த துல்லியமான பந்துவீச்சும், போராடக் கூடிய துடுப்பாட்டமும்..
சாகிர் கானின் ஆரம்பம் அபாரம் என்றால் ஸ்ரீசாந்தும்,ஹர்பஜனும் காட்டிய விடாமுயற்சியும் கொஞ்சம் குசும்புடன் கூடிய சீண்டி விடும் ஆவேசமும் தென் ஆபிரிக்காவை சுருட்டிவிட்டது.
சாகிர் காட்டிய வேகமும் தென் ஆபிரிக்க வீரர்களை சோதித்து ஆட்டமிழக்கச் செய்த விதமும் மெய் சிலிரிக்கவைத்தவை.
ஸ்ரீசாந்தின் சில பந்துகளில் அப்படியொரு வேகமும் விஷமும்..
குறிப்பாக கலிசை இரண்டாம் இன்னிங்க்சில் ஆட்டமிழக்கச் செய்த விதம்.. அந்தப் பந்துக்கு வேறொன்றும் செய்ய முடியாது.
லக்ஸ்மன் - இந்தியாவின் புதிய இரும்புச் சுவர்.
இந்த வருடம் அம்லாவைப் போலவே இவருக்கும் ராசியான வருடம்.
இந்தவருடத்தில் மட்டும் எத்தனை போட்டிகளை இரண்டாம் இன்னின்க்சின் விடாமுயற்சியுடனான துடுப்பாட்டம் மூலமாக வென்று கொடுத்திருப்பார்..
அவ்வளவு போராடி இந்தியாவைக் கரை சேர்த்த லக்ஸ்மனுக்கு நான்கே நான்கு ஓட்டங்களால் அற்புதமான சதம் ஒன்று தவறிப்போனது அநியாயம்.
(கிடைத்திருந்தால் பிரவீன் அம்ரே பதினெட்டு ஆண்டுகளுக்கு முன் பெற்றதன் பின் பெற்ற ஒரே சதம்)
இந்த டேர்பன் டெஸ்ட் வெற்றி இந்தியாவுக்குக் கொடுத்த உற்சாகம் முக்கியமான இறுதி டெஸ்ட் போட்டியிலும் வெற்றி பெறும் தன்னம்பிக்கையைக் கொடுக்குமா?
சொல்ல முடியாது..
தென் ஆபிரிக்க ஆடுகளங்களும், இந்தியாவின் நம்பகமில்லாத் தன்மைகளும் அவ்வாறு சொல்ல வைக்கின்றன.
ஆனால் சாகிர்+லக்ஸ்மன் செய்துகாட்டிய வரலாற்றில் சச்சின்,சேவாக்,டிராவிடும் இணைந்தால் புது வருடம் இந்தியாவுக்கு மங்களமாக ஆரம்பிக்கும்..
ஆனால் தென் ஆபிரிக்கா அடிபட்ட புலிகள்.. சீண்டிய பிறகு அடங்கிப் போவதை விட அடிபோடவே விளைவார்கள். அத்துடன் சொந்த மண்ணில் அவமானப்பட அவர்கள் எப்போதும் விரும்புவதில்லை.
டேர்பனில் விட்ட தவறுகள் மீண்டும் எழச் செய்யும்.
நிற்க,
டேர்பனில் தென் ஆபிரிக்க வீரர்கள் யாருமே நாற்பது ஓட்டங்களைக் கூடப் பெறவில்லை.
லக்ஸ்மன் பெற்றது மட்டுமே ஒரே அரைச் சதம்...
ஆசியாவில் இப்படியான ஆடுகளங்கள் இருந்திருந்தால் விமர்சன விண்ணர்கள் எப்படிப் பொங்கியிருப்பார்கள் என் நினைத்தேன்...
வேகப் பந்துவீச்சாளருக்கு சாதகமாக இருந்தால் தான் சிறந்த ஆடுக்கலாமாம்.
------------------
வருடத்தின் கடைசி சர்வதேச கிரிக்கெட் போட்டியில் இந்த வருடத்தில் அதிகம் பெயர் நாறிப்போன பாகிஸ்தானுக்கு ஒரு ஆறுதல் வெற்றி :)
முதல் இரண்டு போட்டிகளில் அடிவாங்கிய பிறகு ஒரு ஆறுதல் வெற்றி தான்...
ஆனால் மூன்று போட்டிகளிலும் நியூ சீலாந்தின் சிறிய ஆடுகளங்களில் புண்ணியத்தில் சிக்சர் மழைகளை ரசித்தேன்...
புதுவருடம் எல்லா அணிகளுக்கும் நல்ல பலன்களையும் வழங்கட்டும்.
22 comments:
won the toss...
wait...
அண்ணே விக்கிரமாதித்தன் பாவம். தலைமறைவு என கேள்விப்பட்டேன்...அப்புறம் ஆசி-இங்கி மன விரக்தியில் எழுதிநின்களோ?
இந்தியா-தென் ஆபீ நடுவர்கள் விளையாடியதை பற்றி ஒன்றும் சொல்லவில்லையே...
இந்த வருடத்தின் கடைசிப்பதிவா?
////என்னைப் பொறுத்தவரை ஹியூஸ், கிளார்க்,ஸ்மித் ஆகியோரை உடனடியாக அணியை விட்டுத் துரத்தவேண்டும்.////
பாவம் அண்ணா எற்கனவே தலைவர் இல்லாமல் திண்டாடுறாங்க... இது மற்ற அணிகளக்க ஒரு எடுத்துக் காட்டான சம்பவங்கள் இதைப் பார்த்தாவது மற்றைய அணிகளின் கட்டப்பாட்டு சபைகள் முதலே சில ஆரம்ப நடவடிக்கையுடன் தயாராக இருக்கணும்.. குறிப்பாக எமது கட்டுப்பாட்டு சபையைத் தான் சொல்கிறேன்...
அன்புச் சகோதரன்...
மதி.சுதா.
அழியா வடுக்கள்
ha ha...... eppudi namma india????
only starting trouble... just wait and see... series gonna be ours
அருமையான அலசல் அண்ணா....
சந்தோஸமாக முடிகின்றது இவ் ஆண்டு.....(இந்திய வெற்றி...){இங்கிலாந்து வெற்றி!!வேண்டாமே....பாவம் பலர்....}
பொண்டிங்- அவருக்கு இவ்வாண்டை போல் எந்த ஆண்டும் இல்லை இவ்வளவு மோசமாக.....பாவம்...அவர் என்ன செய்ய.....
ஃஃஃவாழ்த்துக்கள் இங்கிலாந்து..
24 வருடங்களின் பின்னர் ஆஸ்திரேலிய மண்ணில் ஆஷஸ் உங்கள் கரத்தில் வெற்றியுடன் கிடைக்கப் போகிறது.ஃஃஃஃ
#முடியலயோ..Mr.விக்கி
ஃஃஃசகீர் கான் என்ற ஒரு நபரின் வருகை இந்தியாவுக்குக் கொடுத்திருக்கும் மாற்றத்தை மாயஜாலத்தைப் பாருங்கள்..ஃஃஃ
#he he he...
உண்மைதான் இன்னும் கண்ணை விட்டு அகலவில்லை அப் பந்துகள்...
லக்ஸ்மன்- இவருக்கு முதலில் happy new year 2010 சொன்னவர் எங்கிருந்தாலும் வாழ்க...
பாக்கிஸ்தான் வெற்றி- என்ன கொடுமை....கவனிக்க விட்டாதானே...மற்றைய போட்டிகள்..??
ஃஃபுதுவருடம் எல்லா அணிகளுக்கும் நல்ல பலன்களையும் வழங்கட்டும்ஃஃஃ
same wishes....(Aus??)
//வாழ்க தேர்வாளர்கள்.. வாழ்த்துக்கள் இங்கிலாந்து..
அது...!
அவுஸ்திரேலியாவுக்கு இன்னொரு வழி இருக்கிறது. ரென்னிஸ்சில் non-playing captains ஆக Davis கோப்பைப் போட்டிகளில் முன்னாள் வீரர்கள் இருப்பது போல AB ஐக் கொண்டுவரலாம்:))
seriously, Aussies have to get Allan Border into administration.. especially into a coaching or team management role. All rewards Aussies reaped for over two decades came from the tree planed by AB.
அவுஸ்ரேலியாவுக்கு ஆழ்ந்த அனுதாபங்கள்..:P
இந்தமுறை பாக்சிங் டே போட்டிகள் இரண்டுமே மகிழ்ச்சியை தந்திருக்கிறது... ஒரு பக்கம் ஆஸ்திரேலியாவுக்கு மரண அடி... ஒரு பக்கம் இந்தியாவுக்கு வெற்றி... கலக்குறாங்க...
அன்புடைய பதிவருக்கு வணக்கம்,
தங்களின் வலைப்பூவின் எழுத்து தரத்தையும், கருத்துக்களையும் மிகுந்த ஆய்வுக்குப் பின் சிறந்த தளம் என முடிவு செய்து எமது வலைச்சரம் வலைப்பதிவு தானியங்கி திரட்டியில் இணைத்துள்ளோம். இதில் தங்களுக்கு உடன்பாடு இல்லை என்றால், தயையுடன் எமக்கு தெரிவிக்கவும். எமது வலைச்சரம் திரட்டியில் தங்களின் வலைப்பதிவு இடம்பெறுவதை விரும்பினால் தயையுடன் எமது இணையப் பட்டையை தங்களின் தளத்தில் இணைக்கும் படி கோரிக்கொள்கிறோம். நன்றிகள் ! மேன் மேலும் தங்கள் எழுத்துப் பணி தொடர வாழ்த்துக்கள் ...
அன்புடன்,
வலைச்சரம் நிர்வாகம்.
www.valaicharam.com
பொக்சிங் டே போட்டி முடிவுகள் எனக்கு அதிர்ச்சியே.
கிரேக் செப்பல் எங்கிருந்தாலும் பிரச்சினையே..
ரிக்கி போண்டிங்கை கப்டன் பதவியிலிருந்து தூக்கியதும், கிளார்க்கை அதற்காக நியமித்ததும் ஒஸ்ஸி தேர்வாளர்கள் செய்த முட்டாள்தனமாக நானும் நினைக்கிறன். அவர்களுக்கு இருந்த பிறேசரில் அவர்களும் ஏதாவது ஒன்று செய்ய வேண்டும் என நினைத்தே இதனை செய்துள்ளனர். பட் தற்போதைய போர்மில் நீங்கள் கூறியது போன்று கிளார்க் சரியான தேர்வு இல்லை.
உஸ்மான் கவாஜாவை நாலாவது போட்டியில் அறிமுகம் செய்வார்கள் என எதிர்பார்த்தேன். ஐந்தாவதில் அறிமுகம் செய்தால் அவர்க்கும் அதிக பிரசர் தான். பட் பக்கி கிரீன் அணியப்போகும் முதல் முஸ்லீம் எனும் பட்டத்தை அடைவார். அவர் திறமையான பட்ஸ்மன் தான் பட் இறங்க போகும் தருணம் தான் கொஞ்சம் கஷ்டமானது.
இந்தியாவின் வெற்றி குறிப்பிடத்தர்கது. சகீர் கானின் வருகை சும்மா இருந்த ஸ்ரீசாந்தையும் வகார் யூனுஸ் போல காட்டியது.
மூன்றாவது போட்டியில் பாகிஸ்தான் அணி அவர்கள் 20-20 வரலாற்றிலேயே மிக பெரிய வெற்றியை பெற்ற போட்டி. பாகிஸ்தான் அணியின் பெரும்பாலான புதியவர்களுக்கு நியூ ஸீலாந்து புதுசு. சோ டெஸ்ட் மட்சில் அவர்கள் போர்ம் திரும்பி அணிக்கு வலு சேர்க்கும் என நினைக்கிறேன்.
உங்கள் பதிவு சிறப்பாக அமைந்தது லோஷன் பாராட்டுக்கள்.
கடைசி நேரத்தில் பொண்டிங்கை நீக்கியது மிகத்தவறெண்டால் கிளாக்கை கப்டனாக்கியது அதைவிட பெரிய பிழை. சிமித்தை All rounder என்று அணிக்கு கொண்டு வருமளவுக்கு அவுஸ்திரேலியாவில் தரமான வீரர்கள் வெளியில் இல்லையா???
இறுதிப்பொட்டியில் தென்னாபிரிக்கா வெல்வது தவிர்க்க முடியாததொன்று. அவர்களின் swingகாகும் பந்துகள் இந்திய பந்து வீச்சாளர்களை விட ஒருபடி மேல்!!
மெல்பேர்ண் போட்டி பற்றி பெரிதாக நம்பிக்கை இருந்திருக்கவில்லை என்றாலும் டேர்பன் போட்டியின் தோல்வி சிறிது அதிர்ச்சி தான்.
// என்னைப் பொறுத்தவரை ஹியூஸ், கிளார்க்,ஸ்மித் ஆகியோரை உடனடியாக அணியை விட்டுத் துரத்தவேண்டும். //
இலகுவாக சொல்லிவிடலாம், ஆனால் கிளார்க்கை நிறுத்திவிட்டு கலம் பெர்ஹூசனை அணிக்குள் கொண்டுவந்து அவர் தடுமாறியிருந்தால்?
நான் பெர்ஹூசனின் இரசிகன், ஒருநாள் போட்டிகளில் அவரை நிறையவே இரசித்திருக்கிறேன், ஆனால் பெரிய தொடரொன்றில் அணியின் உபதலைவரை நிறுத்துவது, அதுவும் ஒரு class player ஐ நிறுத்துவது அவ்வளவு சுலபம் கிடையாது என்பது என் கருத்து.
ஹியூஸ் - கற்றிச் இற்கு பதிலாகவே வந்தார். அவரை விட பில் ஜக்ஸ் தான் அடுத்த தெரிவு என்று நினைக்கிறேன், இருவரும் பெரியளவில் form இல் இருக்கவில்லை.
ஸ்மித் - 4 வேகப்பந்துவீச்சாளர்களுடன் விளையாடுவதாயின் ஸ்மித் விளையாடியே ஆகவேண்டும், இத்தனைக்கும் உள்ளூர் போட்டிகளில் ஸ்மித் இன் துடுப்பாட்ட பெறுபேறுகள் சிறப்பாகவே உள்ளன. ;-)
// நம்ப முடியவில்லை. காயம் காரணமாகத் தான் பொன்டிங் விளையாடவில்லை என்பதை யாரும் நம்பப்போவதில்லை. //
ஏன் பொன்ரிங் இரசிகார்கள் இப்படி சந்தேகப்படுகிறீர்கள்?
பொன்ரிங் என்பவர் உலக கிறிக்கற் வரலாற்றில் வெற்றிகரமான தலைவர்களில் ஒருவர், உலகின் மிகச்சிறந்த துடுப்பாட்ட வீரர்களில் ஒருவர், ஒரு மோசமான தொடர் அவரை முழுவதுமாக இல்லாமல் செய்துவிடாது.
காயத்திற்கு சத்திரசிகிச்சை நடக்கப் போகிறது, 1 மாதம் ஓய்வு...
உலகக் கிண்ணத்துக்கு மீண்டும் வருகை, அதில் சிறப்பாகச் செயற்பட்டால் ரெஸ்ற் அணித்தலைவராக மீண்டும், மோசமாக என்றால் வெறுமனே வீரராக...
பெரிதாகக் குழம்ப எதுவும் கிடையாது என்பது என் கருத்து.
// ரிக்கி பொன்டிங்கை விட மனதில் சோர்ந்திருக்கும் formஇல் தளர்ந்திருக்கும் மைக்கேல் கிளார்க் தான் புதிய தலைவராம்.. //
வெறுமனே ஒரு போட்டி தானே... ;-)
கிளார்க் மட்டுப்படுத்தப்பட்ட பந்துப்பரிமாற்றப் போட்டிகளில் சிறப்பாகச் செயற்பட்டிருக்கிறார், ஒரு வாய்ப்பு வழங்குங்கோவன்.
// டிம் ப்ரெஸ்னன் காட்டிய முயற்சியும் அபார திறமைகளும் ரசிக்கத் தக்கன. //
ம்... ம்...
கடைசி நேரத்தில் ஆடிய sprinkler dance அதைவிட அபாரம். :P
// சகீர் கான் என்ற ஒரு நபரின் வருகை இந்தியாவுக்குக் கொடுத்திருக்கும் மாற்றத்தை மாயஜாலத்தைப் பாருங்கள்.. //
டேவிசு என்ற குடிகாரனின் குடிகாரத் திறமையும். :-/
// இதன் மூலம் தனது டெஸ்ட் Number One இடத்தை மீண்டும் உறுதிப் படுத்தி இருப்பதோடு //
இதெப்படி?
முதலாம் இட அணி இரண்டாம் இட அணியை வெல்வது எப்படி உறுதிப்படுத்துவது ஆகும்? அதுவும் முதற்போட்டியில் தோற்றுவிட்டு?
அப்படியானால் அண்மையில் இலங்கைக்கு வந்து தொடரை வெல்லமுடியாமல் போனதால் முதலாம் இடத்திற்கு பொருத்தமற்றவர்களென அர்த்தம் வருகிறதே?
(இலங்கை அப்போது மூன்றாவது என்று நினைக்கிறேன்).
தரவரிசையை நம்புகிறீர்கள் என்றால் இந்தத் தொடரை இந்தியா ஒருபோட்டியில் கூட தோற்காமல் வென்றிருக்க வேண்டும், நம்பவில்லை என்றால் இதில் ஒன்றுமே இல்லை.
After all, தரவரிசை பிழையானது, பொய்யானது.
// வேகப் பந்துவீச்சாளருக்கு சாதகமாக இருந்தால் தான் சிறந்த ஆடுக்கலாமாம். //
அப்பிடியில்லை, டேர்பனில் ஹர்பஜன் கைப்பற்றிய விக்கற்றுகள், ஹரிஸ் கைப்பற்றிய விக்கற்றுகள்?
2009ம் ஆண்டு ஏப்ரல் மாதத்தில் நியூசிலாந்தில் வைத்து கைப்பற்றிய 4 விக்கற்றுகளுக்குப் பிறகு வெளிநாடொன்றில் ஹர்பஜன் கைப்பற்றிய முதலாவது 4 விக்கற் பெறுதி.
1 வருடம், 8 மாதங்களுக்கு மேல்.
ஷேன் வோண் சொல்வது போல, if it seams and swing, it'll take spin.
டேர்பன் ஆடுகளம் எல்லோருக்கும் ஏதாவது வழங்கியது.
வேகப்பந்துவீச்சாளர்கள் சிறப்பாக செயற்பட்டார்கள், சுழற்பந்துவீச்சாளர்கள் சிறப்பாகப் பந்துவீசினார்கள், பொறுமையாக ஆடினால் ஓட்டங்கள் பெறமுடியும்.
என்னைப் பொறுத்தவரை perfect test match wicket அது. :-)
// புதுவருடம் எல்லா அணிகளுக்கும் நல்ல பலன்களையும் வழங்கட்டும். //
அவ்வ்வ்வ்வ்வ்வ்வ்வ்வ்....!
அப்பக் கிடைச்ச மாதிரித்தான். :P
எப்படியிருந்த லோசன் அண்ணாவை விகிரமாதித்தன் ஆக்கி இனி பலன் கணிக்கும் ஜோதிட சிகாமணி ஆக்கிடுவாங்கள் போல ;)
//புதுவருடம் எல்லா அணிகளுக்கும் நல்ல பலன்களையும் வழங்கட்டும்
கன்கொன் || Kangon :-
அருமை......வாழ்த்துகள்....தங்கள் ஞாபகத்திற்கும் அலசலுக்கும்.....
அவுஸ்திரேலியா அணியினட தோல்விக்கு பின்னர் எல்லோருடைய குற்றச்சாட்டும் இப்போது அவுஸ்திரேலியா தெரிவுக்குழுவின் பக்கம்தான் திரும்பியிருக்கின்றது
தென்னாபிக்கா வெல்லும் என்ற உங்கட சொல்லை நம்பி பெட் பிடிச்சது தப்பாக போய்விட்டது கடைசியில துண்டை என்னுடைய தலையில போடவைச்சுட்டியளே...
அதில கோபி சொன்னான் ஏ பி டீவில்லியர்ஸ் அடிப்பான் என்று அதைநம்பி எக்ஸ்ராவாக தோற்றதுதான் மிச்சம்...
அண்ணே விக்கிரமாதித்தனுக்கு ஓய்வை குடுத்திடுங்கோ...
வலைச்சர பதிவரக்கு எனது முற்கூட்டிய வாழ்த்துக்கள்..
வருட ஆரம்பமே உங்களது முதல்காலடி மிகவும் ஆழமாய் பதியப் போகிறது வாழ்த்துக்கள்..
தங்களுக்கு எனது ஆங்கிலப் புத்தாண்டு வாழ்த்துக்கள்
அன்புச் சகோதரன்...
மதி.சுதா.
அழியா வடுக்கள்
பகிர்வுக்கு நன்றி
இனிய ஆங்கில புத்தாண்டு நல்வாழ்த்துகள்.
காங்கொன் சொன்னமாதிரி டேர்பன் ஒரு நல்ல ஆடுகளம். முதல் இன்னிங்ஸ்சில் ட்ராவிட், இரண்டாம் இன்னிங்ஸ்சில் கல்லிஸ் தவிர முன்வரிசை வீரர்கள் யாவரும் பொறுப்பற்ற shotகள் அடித்தே ஆட்டமிழந்தார்கள் என்பது என் கருத்து.
// அதில கோபி சொன்னான் ஏ பி டீவில்லியர்ஸ் அடிப்பான் என்று அதைநம்பி எக்ஸ்ராவாக தோற்றதுதான் மிச்சம்... //
அண்ணே,
டீ வில்லியர்ஸ் நல்லவடிவாத் தான் விளையாடிக் கொண்டிருந்தான்,
அந்த நடுவர் தான் படு மோசமான தீர்ப்பொன்றால ஆட்டமிழக்கப் பண்ணிப் போட்டான்.
வேணுமெண்டா யாரிற்ற எண்டாலும் கேளுங்கோ. ;-)
டீ வில்லியர்ஸ் கல்லுடைச்சிருப்பான் விட்டிருந்தா. :-)
Post a Comment